Посланецъ Каминскій говорилъ въ парламенте противъ нашой автономій, но то известно, що п. Каминскій зъ ласки аграрниковъ досталъ свой исклепаный мандатъ, а отъ карпаторусского народа довeріи не имеетъ, муситъ служити аграрамъ и надале останетъ бюрократомъ на ихъ службе, Мы, комунисты, за цeлу Подкарпатскую Русь безъ згляду на народность хочемо единственну автономію. "Цивильна справа" Подкарпатской Руси и все урядники суть экспоненты коалицщныхъ партій, земледeльческій референтъ есть изъ аграрной партій и сякъ робить зъ нашими землями, якъ зъ своими. Беднякъ не достанетъ земли, - а понеже Шенборнъ мае право изъ вольной руки землю продавати - у насъ, где русины бываютъ, не была и не будетъ земельная реформа правильно переведена, понеже мы большевики есме.

Дале ческа влада въ звязи зъ америцкими капиталистами начинаетъ тратити богатства лeсa, а то въ первой мере въ Подйарпатской Руси почынается на всехъ сторонахъ. Такъ напримеръ въ селе Грушове, где отъ чеховъ народъ терпелъ, велики май кровопролытія были, бо народъ свой прадедный лесъ, свою землю хранелъ. Ческа влада съ тероромъ одобрала имъ сей лесъ и ужъ до сихъ поръ велики миліоны шкоды наробили ей экспоненты, лесъ изрубали, и дале рубати хотятъ. На сельской урбаріaлe лесъ первосортовый, 150 годовъ старый, 70-80 голдовъ, все що было только, що громада мала вольного леса для себе, то ческа влада дала изрубати, щобы громада остала на жебрацкомъ полe. Туй треба згадати, що мадьярска влада по два голда позволяла рубати лесъ, такъ що наколы лесъ дорубается, на его мeсто другій выросте. Видно съ того, що ческа лeснa политика май подла, бо ужъ Грушово село на жебрацкомъ полe остало, а за нымъ. следуютъ другія села.

Така политика ческой владной коалиціи розширяетса по всей Подкарпатской Руси. Въ Чорномъ Мочару отъ бедноты тоту земличку забрали, що дали были и то все передали министерству землeдeлія, а вдолжъ на хлебородной земле будуются чески колоній и такимъ образомъ народъ впадаетъ въ рабство, наместо освобожденія. (Sen. Babka: То vбs zotročujú ti Češi?)

Натурально. (Sen. Babka: Čo ste mali za Maďarska? Mali sté jedinú školu?) Само тото при мадьярахъ сме мали що и ныне при демократичной республицe, (Sen. Holý: Dejte se k Maďarům!) Мы за мадьярами чого маємо йти, мы одреклися ихъ, - но мадьяры не робили зъ нами того, що братья чехы зъ нами роблятъ. (Sen. Babka: То bolo nedorozumenie роl'utovaniahodne, ja o tom viem!)

Въ Подкарпатской Руси въ сему году слабый урожай былъ, народови грозитъ голодова смерть, бедный хоче достати державну помочь, бо за принудительну работу 5 до 10 коронъ денне треба умирати зъ голоду.

На 19./ХІІ. 1924 намеряетъ выборчій судъ Подкарпатской Руси выборы уничтожити, а то комунистовъ. Будьте певни, панове, що на лихе мeсто огень кладете, бо той угнетений народъ не дастся вамъ имети въ буржуазный мехъ - а останетъ комунистомъ, бо лишъ комунисты истинно борются за освобожденіе бедного народа.